XX. mendeko Euskararen Corpus estatistikoa

Testuingurua

0.3.1. Aurkezpen-teknikak Izen honen menpean gai bat aurkezteko, talde bati gertaera edo ideiak azaltzeko balio duten teknikak azaltzen ditugu.

Aurkezpena izan daiteke ikusentzunezko lagungarrien medioz indartua edo osatua.

Ia beti teknika hauek taldekideek parte hartzea eskatzen dute.

Knowles-ek (32) ondoko teknika hauek sailkatzen ditu atal honetan:
a) eztabaida
b) azalpena
d) interviewa
e) ibilaldiak, organizaturiko ikustaldiak
f) ikusizko lagungarriak: filme geldia, komikibanda, umorezko marrazkiak
g) lagungarri soinudunak: irratia, diskoa eta soinuzko eta ikusizko lagungarriak: telebista eta filme soinuduna.

Horrela, bada, suspertzaile edo irakasleak teknika hauek erabil ditzake lehenbizi gertaerak, eritziak edo material linguistikoa aurkezteko.

Aurkezpena askotan eztabaidaren, taldekako lanaren eta baita lan idatziaren sorburu izango da.

0.3.2. Simulazio-teknikak Simulazioa errealitatearen antzezketa laburtua da.

Simulazioak errealitatea ahal duen leialtasun handienaz berregiten du.

Simulazioaren ideia era oso itsasirik dago Estatu Batuetako irakaskuntzan.

Administrazio-eskoletan erabiltzen da gestioa irakasteko eta arlo honetako profesionalak hezitzeko.

Simulazioa zehatza da.

Gertaeretan oinarrituz eraikitzen da.

Alde horretatik eredutik urruti dago, hau abstraktoa bait da, teorikoa, eta ez bait du ikaslea erakartzen.

Irakaskuntzan simulazioa oso baliagarri izan daiteke ikasleek partaidetza eskatzen du eta.

Hona simulazio-teknika batzu:
a) rol-jokoa
b) egoeraren jartze ariketak
d) hizkuntz jokoak
e) mimoa
f) dramatizazioa (joko dramatikoak).

0.3.3. Eztabaidarako teknikak Eztabaida hitzezko elkarrekintza dela esan dezakegu.

Eztabaida berritsukeriarekin oso diferentea da;(...).